1 natay 5 nabiyaran kanyo pinaddumpar ya dwa nga takay kan Iguig, biktima napilidan ya ulu na

TUGUEGARAO CITY – Natay ngin kattu neangay kan ospital ya isa nga lalaki entre lima ya nabiyaran kabalin nga madumpar ya nattakayan da nga kulung-kulong kan Iguig, Cagayan.

Kattu nadumpar e newwakkit peba kan dalan ya annam nga biktima entre nadalanan kan pilig ya ulu i Oliver Taganna, 45 anyos.

Kanyo imbestigasyon ya PNP Iguig, paspas kanu ya appadalan ya closed van nga drayveran i Marcelo Par, 40 kattu unna nga nebannga ya takay kan aggid pwente addet kattu nadumpar na ya kulung kulung kan Brgy Baculud.

Tya sikan ya impact na e newakki ya biktima ira entre napilidan peba ya isa.

Daggun nga nian kan ospital ya lima peba nga biktima nga residente ira kan Amulung.

Iprepara ngin ya pulisya ya kaso kanyo suspek.