TUGUEGARAO CITY- Nadaral ngin ya 14 nga smuggled luxury cars nga nepuslit kan Port Irene kan ili ya Sta.
Ana.
Maturuk P30 milyon ya ngina na ira yaw nga na-angngina nga takay nga dinaral da nga minang inangyanan i
Pangulong Rodrigo Duterte.
Neussa da ya bulldozer entre back hoe nga pinandaral kanyo takay ira gitta na ya 8 Mercedes Benz, 1 Porsche,
1 BMW Alpina, 1 BMW Z1, 1 Maserati Quatro Porte, 1 Renault R5 at 1 Opel Manta.
Yaw nga bilang nga takay e 855 ngammin nga nepuslit da tyaw.
Nettagat i Duterte nga mari umubra ya dati kanu nga gaggangwan ya smuggler ira nga mari da mappga kan
buwis kan gubyernu.
Nakasta kanu nu madaral ira yaw annet kan mesubasta ngem smuggler kanu pelaman ya maggatang.
Nekahi i Duterte nga seryoso iggina nga mandaral kan na-angngina nga takay nga illegal nga matallung kan yo Pilipinas.
Yaw ya mekaddwa ngin nga nepubliko ya pandaral ya gubyerno kan smuggled luxury cars nga nonna nga iningwa da kan Bureau of Customs (BOC) kan pier ya Cebu entre Davao.
