TUGUEGARAO CITY-Huli ang 17 katao kasama ang ilang opisyal na kinabibilangan ng isang bise alkalde, councilor at ilang miembro ng Philippine National Police (PNP)sa isinagawang magkakahiwalay na operasyon ng PNP-Tuguegarao laban sa illegal na sugal.
Batay sa naging report ng PNP-Tuguegarao, una nilang naging operasyon ang ginagawang pagsusugal sa Barangay Tanza sa lungsod kung saan naaktuhang naglalaro ng tong-its ang tatlong suspek.
Kinilala ang mga ito na sina Elena Pedralvez ,48-anyos ,Siony Pe Benito ,66-anyos at Loida Pacion ,52-anyos na pawang residente sa Barangay Tanza.
Sa pangalawang operasyon, ay isinagawa sa Pengue-Ruyu kung saan siyam na katao ang nahuli na naglalaro ng mahjong na kinabibilangan ng isang bise alkalde at dawalang miembro ng kapulisan maging ang isang kawani ng Department of Agriculture (DA)-Region 02.
Kinilala ang mga suspek na sina Jolly Taberner ,65-anyos, bise alkalde sa bayan ng Maconacon,Isabela, Maconel Pascua, 39-anyos isang miembro ng PNP na nakadestino sa Isabela PPO at VIP Security ng bise alkalde, Christine Ruiz, 33-anyos, isa ring miembro ng PNP na naka- assign naman sa Police Regional Office no. 2 (PRO-2).
Kabilang pa sa mga nahuli ay sina Marlene Bautista , 52-anyos, empleyado ng (DA) R02 na residente ng Barangay Capatan, Jayson Allam 39-anyos ng Barangay Capatan, Grace Laggui ,44-anyos ng Barangay Balzain West, Gerry Adducul,66-anyos,retiradong pulis na residente ng Barangay Centro 10, Pedro Baggay,33 -anyos ng Barangay Dadda at Peter Laggui na siyang may-ari ng bahay kung saan naaktuhang nagsusugal ang mga suspek.
Nakuha sa lugar ang dalawang sets ng mahjong tiles, dalawang unit ng caliber 45 na may magazine at may laman na pitong bala at isang extra magazine na kargado ng pitong bala at P3,310 na bet money.
Samantala, sa pangatlong operasyon ay isinagawa sa Barangay Leonarda dito pa rin sa lungsod ng Tuguegarao kung saan limang katao ang nahuli kabilang ang isang councilor.
Naaktuhang naglalaro ng mahjong sina Tuguegarao City Councilor Danilo Baccay , 65 -anyos; Monette Baccay , 64-anyos kapwa residente sa Barangay Leonarda, Shiela Velasco ,44-anyos ng Centro 1 at dalawang hindi pa nakikilala.
Nakuha sa kanila ang mahjong sets at ilang gambling paraphernalia.
Nabatid na isinagawa ng PNP-Tuguegarao ang operasyon kahapon, Hulyo 18, 2020 na sanhi ng pagkahuli ng mga nasabing suspek.
