TUGUEGARAO CITY- Nekkahi na Criminal Investigation and Detection Group (CIDG) nga suplayer kanu kan armas ya pulitiko ira ya nagafut nga mawwahi nga anak ya Mayor kan Gonzaga, Cagayan entre ya isa peba nga kanakan na.
Kanyo neppakul ya CIDG nga presscon, nekahi i PCI julius Jacinto nga ala wa ya impluwensiya ya mawwahi nga i Jonji entre Jundell Pentecostes, putut i Marilyn Pentecostes entre ya kapitta da nga i Antonio Bucaneg.
Suplayan peba ya grupo da yaw kan mari nga neparehistru nga palattug ya negosyante ira entre private individuals mari laman kan Cagayan nu zi pati kan aranni nga probinsiya ira entre Manila.
Alistu pay nagafut ya pangal alakan d a kan palattug nga i Roger Assuncion nga taga brgy Pattao, Buguey.
Nekahi i Senior supt. Warren Gaspar Tolito, director ng Cagayan Police Provincial Office (CPPO) nga nagafut i Assuncion kan mismu nga balay da entre nalak ki iggina ya palattug nga cal.45.
Lige na yaw e nonna nga nagafut ya mawwahi entre ya kapitta da kanyo bisa ya search warrant nga nessilbi ya PNP entre CIDG
