Inalis sa puwesto ng Bureau of Corrections (BuCor) ang dalawang superintendent at muling itinalaga ang ilang pangunahing opisyal habang isinasagawa ang imbestigasyon kaugnay ng kanilang umano’y asal sa tungkulin.
Ayon kay BuCor Director General Gregorio Catapang, tinanggal sa kanilang posisyon sina Leyte Regional Prison Superintendent Ricardo Sespene Jr. at Correctional Institution for Women (CIW) head Marjorie Ann Sanidad.
Itinalaga si Sespene sa BuCor Land Control and Management Center Anti-Squatting Unit, habang inilipat si Sanidad sa New Bilibid Prison Hospital.
Dagdag ni Catapang, layunin ng hakbang na palakasin ang kakayahan ng BuCor sa pamamahala ng mga correctional facility at agarang pagtugon sa mga umuusbong na hamon.
