Dalawang sunod-sunod na malalakas na lindol ang yumanig sa Venezuela noong Hunyo 24, 2026.
Ayon sa United States Geological Survey, ang unang lindol ay may magnitude na 7.1 at kasunod ang mas malakas na 7.5 makalipas lamang ng isang minuto.
Ang episentro ay malapit sa Morón sa estado ng Carabobo at naramdaman hanggang sa kabisera na Caracas.
Maraming gusali ang gumuho kabilang ang ilang matataas na gusali sa Caracas at libo-libong residente ang nagtakbuhan palabas ng kanilang mga tahanan at opisina.
Nagbabala ang USGS na posibleng lumampas sa 10,000 ang bilang ng nasawi habang libo-libo ang sugatan at patuloy ang operasyon ng mga rescuers upang mailigtas ang mga na-trap sa guho.
Naapektuhan ang Maiquetía International Airport kung saan pansamantalang sinuspinde ang mga flight at nagkaroon ng malawak na pagkawala ng kuryente at komunikasyon sa iba’t ibang rehiyon.
Naglabas ng babala ang US Tsunami Warning System para sa ilang bahagi ng Caribbean ngunit kalaunan ay binawi.Sanggunihang Pang-heyograpiko
Nanawagan si Interior Minister Diosdado Cabello sa publiko na umiwas sa mga gusaling nasira at mag-ingat sa posibleng aftershocks. Patuloy ang search and rescue operations sa Caracas at mga karatig-lalawigan upang mailigtas ang mga biktima.
Ang insidente ay kabilang sa pinakamalalakas na lindol na tumama sa Venezuela sa loob ng mahigit isang siglo.
Dahil holiday nang araw na iyon, maraming tao ang nasa loob ng bahay kaya’t mas mataas ang bilang ng nasawi.
