Isang linggo bago magtapos ang taon, nakapagtala na ang Department of Health (DOH) ng 25 na insidente ng pinsala na may kinalaman sa paputok, ayon sa kanilang pahayag kahapon.
Apat na bagong insidente ng pinsala dulot ng paputok ang naidagdag sa 17 kasong naitala ng 62 sentinel hospitals noong Lunes, ayon sa DOH.
Ang mga insidenteng dulot ng paputok ay naitala mula Disyembre 22 hanggang kahapon.
Sa kabuuan, 23 na biktima ay mga kalalakihan at 2 naman ay mga kababaihan.
Karamihan sa mga biktima ay may edad 19 taon pababa.
Nagpaalala ang DOH sa publiko na iwasan ang paggamit ng paputok at imbes ay gumamit na lamang ng mga torotot o magsagawa ng ingay gamit ang mga ligtas na bagay tulad ng kaldero at kawali.
Hinihikayat din ng kagawaran ang publiko na dumalo sa mga organisadong fireworks display na inihanda ng mga lokal na pamahalaan upang magkaroon ng ligtas na selebrasyon ng Bagong Taon.
