Nagtamo ng mga sugat sa katawan ang tatlong sakay ng dalawang motorsiklo matapos masangkot sa aksidente sa Tauguegarao City.
Kinilala ang mga biktima na sina Dominador Verzon, 23-anyos, driver; Aljohn Umiwi, 23-anyos driver ng isang motorsiklo at ang angkas nitong si Denis Tagacoy.
Sa inisyal na imbestigasyon ng pulisya, magkasunod na binabagtas ng dalawang motorsiklo ang bahagi ng Barangay Balzain nang nagkasagian matapos mag-left turn si Verzon bago sumalpok sa nakaparadang tricycle sa gilid ng lansangan.
Kaagad namang isinugod sa pagamutan ng rumespaondeng Rescue 1111 ang mga biktima habang dinala muna sa Tuguegarao police station ang mga sangkot na sasakyan habang patuloy na iniimbestigahan ang aksidente.
