TUGUEGARAO CITY- Posible nga magistedy labbi ta padjanan da ta ili na Santa,Cagayan y 32 pasahero nga stranded megafu ta badju nga “Jolina”.
Y nakagi nga bilang na pasahero ay mattakay nakwan ta lima nga baranagay nga mappange ta Macunacun,Isabela ngamme nakansela y biyahe da.
Base ta Philippine Coast Guard,awan tu payagan da nga mabiyahe adde tu malaffu y travel warning.
Fera taw kinagi na DSWD Region 2 nga posible nga makatoli y 370 families nga evacuees ta probinsya na Nueva Vizcaya,Quirino anna Isabela megafu ta nakagi nga badju.
Kinagi na nga nesara kanu y karwan ngana nga evacuation centers.
Kinagi na nga y igga ta evacuation centers ay tadday nga familya ta Burgos,Isabela anna igga tu mafulu nga familya ta Quirino.
Base kanni Lucy Allan,assistant regional director na DSWD Region 2 nga nakapadala da kanu tu food packs ta lugar nga nafektan ta badju.
