Nasa 360 presidential appointees ang sasalang sa confirmation hearing ng Commission on Appointments (CA) bago matapos ang 19th Congress sa Hunyo 13.
Ayon kay CA Assistant Minority Leader at Surigao del Sur Rep. Johnny Pimentel limang komite ang magsasagawa ng pagdinig sa Hunyo 3 at 4 upang talakayin ang mga kuwalipikasyon ng mga in-aapoint ni Pangulong Ferdinand “Bongbong” Marcos Jr.
Sa Hunyo 3, kasama sa sasalang sina Transportation Secretary Vince Dizon II, Information and Communications Technology Secretary Henry Rhoel Aguda at Presidential Communications Office Secretary Jay Ruiz.
Sa Hunyo 4, sasalang naman sina Commission on Elections Commissioners Noli Pipo at Maria Norina Tangaro-Casingal, Civil Service Commission Commissioner Luis Pañgulayan, at Commission on Audit Commissioner Douglas Michael Mallillin.
Nasa 294 high-rankin¬g military officers naman ang sasalang sa Hunyo 4, 10 at 11. Sa Hunyo 11 naman ay ang 58 senior foreign service officers.
