TUGUEGARAO CITGY- Dinarayaw na Department of Health Region 2 y Batanes megafu ta namentena na yaw y record nga zero casualty asunto ta selebrasyon na paskuwa anna bagu ragun.

Y Batanes laman gare ta lima nga probinsiya ta Region 2 y awan tu nerekord na nga firecracker related injuries base ta monitoring na DOH.

Fera taw nakakadde ngana tu 49 y nabigaran megafu ta paputok ta Region 2.

Kinagi ni Virginia Teresa Tabbian na DOH RO2, aru ta biktima ay lallaki nga maedad appa adde 65.

Y kakarwan nga biktima ay taga Tuguegarao nga 11, 19 ta Isabela, annam ta Nueva Vizcaya, tallu ta Quirino anna mafulu ta Cagayan.

Y olu nga klase na paputok nga gafu na biag na biktima ira ay kwitis, piccolo, boga, 5 star, bawang anna lusis.

Kinagi ni Tabbian nga mas bessang ta 45% y igga ta rekord nga biktima na paputok sangaw kumpara turi nabalin nga ragun nga 89.