TUGUEGARAO CITY- Nepasita na isla na Calayan,Cagayan y kakastan na isla ta turista ta hosting nga International Cruise Ship Expedition.
Netakay na Caledonia sky cruise ship y 89 nga turista nga naggafu ta Autralia anna USA.
Y 4,200 tons nga cruise ship ay tadday nga chartered vessel na Zegrahm Expedition nga nakabase ta Seattle,USA.
Nat-treking, bird watching anna snorkling y turista ira ta Sibang Cove na isla.
Nayayatan gapa ira yaw ta pammula na palay anna y pattakay ta nuwang anna nasita da y magangwa ta kape nga base ta natunu nga bagga.
Base kanni John Nicholson,director na Zegrham Expedition nga tadday y Calayan ta napili da nga lugar nga bisitan megafu ta naakkasta nga tourist spots.
Amung na yaw kinagi ni Mayor Al Llopis nga mappakuruk laman yaw nga world-class y Calayan anna ari nga itulu na Calayan nga awuya na nga ma-host ta international tours.
Ekspektan ni Llopis nga lalu nga makkasta y turismo ta Calayan nu mabalin yari airport tari.
