Itinanggi ni Bicol Saro Party-list Representative Terry Ridon na may conflict of interest sa kanyang paglahok bilang House prosecutor sa impeachment trial ni Vice President Sara Duterte, kahit dati siyang consultant ng Davao City government.
Ayon kay Ridon, hindi siya naging personal adviser ni Duterte noong alkalde pa ito at nagbigay lamang siya ng policy consultancy services tungkol sa poverty alleviation.
Aniya, natapos niya ang kanyang trabaho at nagsumite ng mga kinakailangang report sa city government, at wala ring naging audit disallowance sa kanyang consultancy.
Iginiit ni Ridon na iba na ang kanyang tungkulin ngayon bilang prosecutor at nakatuon ang prosecution panel sa paglalahad ng ebidensiya kaugnay sa alegasyon ng unexplained wealth.
Samantala, sinabi ni Duterte na alam niya ang dating consultancy ni Ridon at iginiit na nakatanggap ito ng bayad mula sa city government.
Sinabi rin ng bise presidente na wala umanong naging ambag si Ridon sa naturang consultancy at dapat itong alisin sa impeachment proceedings.
