TUGUEGARAO CITY -Naggukak y air pollution level ta interu nga nation ta angipalabbe ta bagu nga ragun na 2018 kumpara ta nabalin nga ragun base ta monitoring na Department of
Environment and Natural Resources (DENR).
Kinagi ni DENR Secretary Roy Cimatu, yaw ay megafu ta angontrol na gubyerno ta pangusa anna angilaku ta paputok ta bisperas na bagu nga ragun.
Matageno ta finirman ni Presidente Rodrigo Duterte nga executive order o EO number 28 ay nekwa taw y regulasyon anna angontrol ta angilaku da ta naassikan nga paputuk.
Igamma da y mappaputuk ta naassikan nga firecrackers o pyrotechnics ta gibbalayan ira.
Ta nakagi nga EO y community firewroks display laman y awuya na nga mappaputuk nu anni yaw y nappakasta ta air quality ta selebrasyon na bagu nga ragun.
Megafu taw ay ekspektan na opisyal nga yaw ngana y gafu na awan tu mangusa ta naassikan nga paputuk ta angipalabbe ta bagu nga ragun.
