Nanguna si rising star Albert Delos Santos sa medal haul ng Pilipinas matapos mag-uwi ng tatlong gintong medalya sa 2026 Asian Youth and Junior Weightlifting Championship sa Tashkent, Uzbekistan.
Nasungkit ni Delos Santos ang lahat ng gold medals sa Junior Men’s 70-kilogram category matapos magbuhat ng 141 kilograms sa snatch at 180 kilograms sa clean and jerk para sa kabuuang 321 kilograms.
Nagtala rin siya ng bagong Asian Championship records sa clean and jerk at total lift.
Samantala, nag-uwi naman si Jhodie Peralta ng dalawang gold at isang silver medal sa Youth Women’s 53-kilogram category.
Sa kasalukuyan, nangunguna ang Pilipinas sa Youth at Junior divisions, na may 10 gold, tatlong silver at tatlong bronze sa Youth division, habang may anim na gold, tatlong silver at anim na bronze naman sa Junior division.
