TUGUEGARAO CITY-Ari mamwan nu anni y fermi nga nepatay na Amerikano ta ili na Lasam,Cagayan.
Ta kabalin nga ipay na duktor na Municipal Health Office na Lasam ta record na nga “sudden death” y nakwa kanni Anthony Buttan ,56 anyos na Michigan,USA
Olu taw ay nekarela ta ospital ni Maribel Bragas ,22 y boyfriend na turi masita na nga malwak y simu na turi albasu na Nov. 15,2017.
Ngamme nedeklara nga dead on arrival ta ospital y americano.
Kinagi ni SPO1 Romy Vidad, ta imbestigasyon da,nga nangan kanu ta duwa nga burger anna nazzigu y biktima liye iyya nakkaturuk.
Guminangun iyya turi albasu anna ninay ta banyu.
Ngamme nakiltu si Bragas turi masita na nga malwak y simu na boyfriend na.
Namwan nga ninay ta Lasam si Buttan turi November 4 anna makkasal da nakwan sonu November 20.
Namwan nga igga diabetis y kano.
