Angilawan ta convicted NPA members ira,ari mafektan y kampanya kontra ta insurhensiya-DND Secretary
TUGUEGARAO CITY- Manguruk si Defense Secretary Delfin Lorenzana nga ari nga magektan y kampanya na Armed Forces of the Philippines ta insurgency ta angipalawan da ta 14 nga convicted NPA members nga nakafuku ta National bilibid Prisons.
Ta interview na Bombo Radyo, kinagi ni Lorenzana nga y palawanan da laman ay y igga dagun na ngana anna igga takit na.
Kinagi ni Lorenzana nga y nakagi nga NPA ay nabayak ngana gapa ta karsel anna awuya na ngana ira nga awan ngana tu impluensiya da ta rebelde nga grupo.
Kinagi paga ni Lorenzana nga yaw ay y ikaya ni Presidente Rodrigo Duterte base ta nekiddaw na CPP-NPA-NDF confidence building measure ta peace talks.
