Annam nga tolay nabigaran ta kabalin nga ma-hit and run na van ta Cagayan

TUGUEGARAO CITY – Nabigaran y annam nga tolay ta kabalin nga mahit and run ta ili na Lal-lo, Cagayan.

Base ta imbestigasyon na PNP, takay ta motorsiklo si Beniejun Cabutaje, 32-anyos kavulu na y duwa nga angkas na turi masinggeg da y pampasahero nga van nga nang-overtake kannira.

Newaki y tallu nga gafu na addompar nira na motorsiklo nga manehuwan ni Felix Ramirez kavulu na y duwa nga angkas na.

Insigida ira nga neangay ta ospital.

Imbes nga uffunan ira na driver y nakatakay ta motorsiklo ay tuluy laman y byahe na yatun ta sangaw ay tafulan na otoridad y nakagi nga van.