Patay ang apat na katao sa pagbagsak ng restaurant sa sikat na resort area sa Spanish hiliday island ng Mallorca.
Ayon sa mga otoridad, mahigit 10 din ang nasugatan sa Palma de Mallorca, ang kabisera ng Mallorca.
Kasalukuyan pa ang isinasagawang search operations upang mahanap ang mga posibleng natabunan ng guho.
Ang restaurant ay two-story building na nasa beach.
Ang Mallorca ay bahagi ng Balearic Islands ng Spain sa Mediterranean.
-- ADVERTISEMENT --
Mainit ang panahon sa lugar sa buong taon, at may maraming beach kaya naman sikat itong destinasyon ng mga turista mula sa Europe.
Nagpadala na rin ng kanyang mensahe ng pakikidalamhati si Spanish Prime Minister Pedro Sanchez sa pamilya ng mga namatay sa trahedya.
