Apat na menor de edad at ginang , nalunod sa Iguig, Cagayan

TUGUEGARAO CITY- Nilalamayan na ang limang katao na nalunod sa ilog sa Iguig, Cagayan kaninang umaga.

Kinilala ni PLT. Divina Lagua ng PNP Iguig ang mga biktima na sina John Loui, 7 at John Nijel Cobbales, 9, magkapatid, John Richard at John Ric Tapar, kambal, 11 anyos at si Ginang Mirasol Duldulao, 27, pawang mga residente ng Brgy. Malabbac.

Nakaligtas naman sa insidente ang anak ng ginang na si John Ace.

Sinabi ni Lagua na habang naliligo ang mga biktima ay nakita sila ng ginang na nalulunod kaya siya sumakloklo subalit maging siya ay nalunod.

Agad naman na ipinarating ng isa pang anak ng ginang na si John Kurt ang pangyayari sa mga barangay officials kung saan ay agad na nagsagawa ang mga ito ng rescue kasama na ang mga otoridad.