Pinaalalahanan ng Civil Service Commission (CSC) Regional Office 2 ang mga mamamayan na ang huling araw ng pagsumite ng aplikasyon para sa March 15 Career Service Professional at Subprofessional Paper and Pencil Tests ay ngayong ika-15 ng Enero.
Ayon kay Valnisan Calubaquib ng CSC-Region 2, lahat ng mga field offices ng ahensiya ay tumatanggap ng aplikasyon kung kaya’t dapat na itong samantalahin.
Kaugnay nito, sinabi ni Calubaquib na inaayos na ng kanilang ahensiya at ang management ng isang malaking mall sa lungsod para sa posibilidad ng pagsasagawa ng mobile CS application bago ang deadline.
Ang mga requirements at application form ay maaring ma-download sa official website ng komisyon na www.csc.gov.ph
Ang CSE ay requirement para sa mga Pilipinong nais magtrabaho sa gobyerno, at bukas sa lahat ng edad 18 pataas.
