Appa nga establishimento,tinallung na akkoko ta Tuguegarao City,maturu P.5M nala da

TUGUEGARAO CITY- Matantiya nga P.5M y nala na akkoko ira ta appa nga establishimento nga tinallung na akkoko ta Tuguegarao City.

Base ta PNP,binakbak na 5 adde annam nga tolay y pader ta likuk na groserya nga neusa nga entrance.

Fera ta groserya, tinallung gapa na akkoko y bangko,bakery anna drugstore nga kabiko na groserya.

Navukatan na akkoko y vault na groserya nga igga nadiyan na nga P400,000 anna alahas ira nga mabbalor ta P100,000 anna vault na drugstore nga igga nadjan na nga P100,000.

Nala gapa y 13 cash register nga naggafu ta nakagi nga establishimento nga maturu nga P5,000.