TUGUEGARAO CITY-Imbestigan na PNP y asunto ta pagdukut anna iningwa da nga sex slav y appa nga menor de edad ta Cagayan.
Ta istorya na duwa nga biktima nga 14 anna 15 anyos ta PNP,nanalan ira malabbe ta balay da nga naggafu ta skwela turi gavva nga igga nagimmang nga van ta biko da turi November 28,2017.
Inaru ira na driver nga ituluk da ira nu anni nekaya da gapa megafu ta igga duwa nga babay nga nasita da ta unak na van.
Ngamme piga laman nga minuto ay nakakaturuk da anna nawwang ira.
Turi nalukak ira ay tadday nga bamboo house y nadjanan da nu anni igga netula da ta simu da anna negalu ira na suspek anna kadabes da ira nga molestiyan kada aggaw.
Gabi turi December 2 turi isakay da ira ta van anna negukak da y duwa aranni ta skwela da ta Gattaran.
Nabattang kanu y tadday nga babay ta van habang ari da na nasita y tadday paga.
Kunnatunman kinagi ni Police Senior Supt. Warren Gaspar Tolito, director na Cagayan PNP nga amawanan da paga nu fermi nga biktima y duwa nga babay nga olu nga takay na van baka kasabwat ira na suspek
