TUGUEGARAO CITY- Iniiimbestigahan na ng PNP ang nangyaring hold-up incident sa parking area ng St.Peter Metropolitan Cathedral kanina lamang.
Batay sa paunang pagsisiyasat ng PNP, galing ng Land Bank ang biktima na si Lorena Lasam Carag sakay ng kanyang sasakyan at pumarada sa nasabing parking area.
Dito na umano binasag ng isang lalaki na sakay ng motorsiklo ang salamin ng sasakyan at tinutukan ng baril ang biktima at tinangay ang kanyang bag na naglalaman ng hindi pa mabatid na cash at cellphone.
Ayon sa babae, napansin niya ang lalaki na sumusunod sa kanya mula sa Land Bank subalit binalewala lang niya ito.
