TUGUEGARAO CITY- Natay y tadday nga babay ta kabalin nga palapalattugan na ari paga nga nakilala nga suspek ta ili na Gonzaga,Cagayan habang nakakaturuk iya.
Y biktima ay si Delia Rapanan,59 yrs.old anna residente na Barangay Batangan ta nakagi nga ili.
Ta interview na Bombo Radyo kanni PO2 Cristopher Duque,nakakaturuk y biktima kavulu na y atawa na turi tallungan na suspek ira anna pinalapalattugan y biktima gamit y shotgun.
Kinagi ni Duque nga luminakak y suspek ta likuk na balay na biktima nu anni ay nakavuka y porta anna nakausa ta bonnet yatun ta ari namukatan na atawa na biktima y suspek.
Namwan kanni Duque nga masuspetsa y biktima nga tinamay na y tadday nga 18 yrs. old nga lalaki ta lugar da ta kabalin nga mattaki anna natay.
-- ADVERTISEMENT --
