TUGUEGARAO CITY-Makagi nga suspek sangaw na PNP y babay nga kavulu na lalaki nga nattallung ta tadday nga motel ta kabalin nga matay yaw ta unak na motel taw ta Tuguegarao City
Kinagi ni Police Senior Inspector Lewilyn Guzman,COMPAC Commander na PTU Don Domingo,base ta angireview da ta CCTV na motel ,awan tu tanakwan nga nattallung ta kuwarto da Demmy Aggalot,43 anyos na Bulacan anna Charice Arios,26 anyos na Cagayan mamegafu 10:00 am adde 2:30 ta albasu turi iyakkul na motel nga y lalaki ay natay megafu ta onse nga dudduk ta baggi na.
Olu taw ay nasita na roomboy na motel y babay nga si Charice Arios,26 anyos na Cagayan nga kavulu na biktima nga naddaraha anna makiddaw ta uffun turi nallawan yaw ta kuwarto na lalaki.
Sangaw ay taronan na PNP nga mawak nga stable y kundisyon na babay para ta interogasyon
Namwan nga dati kanu nga makkarelasyon y duwa.
