TUGUEGARAO CITY-Nelabbe ngana y baggi na sundalo nga natay ta kabalin nga makaengkwentro y grupo na rebelde nga New People’s Army (NPA) ta Brgy. Catarawan, Kasibu, Nueva Vizcaya.
Kinagi ni Capt. Richard Sapalaran, Civil Military Operations Officer na 84th Infantry Battalion nga nakabase ta San Jose, Nueva Ecija, ninay y paryentes da tari tapenu apan da y baggi na appa nga suddalu.
Y natay ira ay ira da Staff Sergeant Dexter John Tagacay naTumauini, Isabela; Corporal Jayson Sabado na Lupao, Nueva Ecija; Corporal Rusty Galan anna Private First Class Abraham Lindo nga miyembro na 84th Infantry Battalion .
Nabigaran gapa si Corporal Jerby Soriano nga nakasta nga y kondisyon na.
Maddaggun gapa y hot pursuit operation kontra ta nakalaban da nga NPA nga kasali ta Sandatahang Platoon Propaganda (SPP) Gani nga igga ta boundary na Quirino anna Nueva Vizcaya.
Awan gapa tu casualty ta rebelde ira nga nakalaban na militar.
