TUGUEGARAO CITY – Madaddam y atawa anna familya na tadday nga duwa nga suddalu nga natay ta labanan na New Peoples Army anna militar ta Pinukpuk,Kalinga.
Nelabbe y baggi ni Corporal Jether Langcay na Linao East,Tuguegarao City.
Makatanggi nga kinagi ni Lennie Langcay, misis ni Jether nga pare nakwan nga makonsensiya y NPA ta iningwa da ta atawa na anna ta karavulu na ira.
Kinagi ni Lennie nga naporyan nga labbe na atawa na turi Disyembre na 2017 nu anni ay nebilin na nga alagaan na y ana na ira anna y yena na.
Kinagi na paga nga aru y plano ni Jether para ta familya na anna ta ana da.
Megafu taw ay makiddaw ta uffun ta gobyerno si Lennie.
Namwan nga mafulu nga ragun nga nasservi ta gobyernu si Jether nu anni y olu nga destino na ay ta Abra anna nepadala ta Mindanao anna ta Kalinga ta kampo na nga 50th Infantry Battalion.
Nappromeso gapa y AFP anna Presidential Management Staff Region Field Office nga mangiddan ta uffun ta familya ni Jether anna ta tadday paga nga suddalu nga natay ta labanan nga si
Private Frist Class Edward Bonggat anna ta duwa nga nabigaran.
