TUGUEGARAO CITY-Mahurung y magana na tadday nga bagitolay nga nawawan adde sangaw nga aggaw nga kavulu na tadday nga napatay ta illigal drug buy bust operation ta ili na Gattaran,Cagayan.
Mahurung y yema ni Julius Sacobo,14 yrs old nga si Josielor nga August 10,2017 paga nawawan yari ana da.
Kinagi ni Sacobo nga base ta pangivu da ay igga nangikagi nga naporyan nga kavulu na yaw y napatay nga si vilmer corpuz ta buy bust operation na pulis.
Naranni da gapa ngana ta otoridad tapenu matafulan y ana da.
Kinagi gapa ni Police Chief Inspector Rodel Tabulug,hepe na PNP Gattaran tadday laman si Corpuz turi iningwa da y buy bust operation.
Nappromeso iyya nga uffunan na y magana nga tafulan y bagitolay.
Namwan nga awan tu record na bagitolay ta PNP kunne gapa ta barangay da.
