Bagu nga balay nga pabendisyunan sangaw nakwan nga aggaw,tinallung na akkoko ira ta Cagayan

TUGUEGARAO CITY- Suspetsan na PNP nga karuba na y nanallung anna nakkoko ta balay na tadday lolo ta Peñablanca,Cagayan.

Kinagi ni Police Chief Inspector Joefferson Gannaban,hepe na PNP Peñablanca nga navukatan na akkoko y sliding window ta mekatallu nga palapag nga balay ni Charito Nepumuceno,62

anyos.

Kinagi ni Gannaban,ari da mamwan nu kattu anni da tinallung y balay megafu ta kagabi laman nalubbe y makakwa na balay megafu ta nanaw yaw ta kabalin na paskwa anna ninay iyya ta dana nga balay na ta nakagi nga ili.

Y kinoko da ay y flat TV screen,microwave oven anna gamit ta kusina nga mabbalor ta P100,000.

Namwan paga kanni Gannaban nga bagu nga nagali y biktima anna pabendisyunan da sangaw nga aggaw.