Posibleng mag-landfall mamayang gabi o bukas ng madaling araw, Agosto 04, 2026 ang Bagyong Luis sa Hilagang Luzon o Isabela habang patuloy ang pagkilos nito patungong hilagang-kanluran.
Ayon sa Philippine Atmospheric, Geophysical and Astronomical Services Administration (PAGASA), ang bagyo ay huling namataan sa layong 135km Silangan ng Casiguran, Aurora na may lakas ng hangin na 55 km/h malapit sa gitna at may pagbugsong hanggang 70 km/h.
Sa ngayon, nakataas ang Tropical Cyclone Wind Signal no. 1 ang gitna at silangang bahagi ng lalawigan ng Cagayan kabilang ang Enrile, Tuguegarao City, Peñablanca, Piat, Santo Niño, Camalaniugan, Tuao, Lal-Lo, Gonzaga, Alcala, Amulung, Santa Teresita, Baggao, Buguey, Solana, Rizal, Santa Ana, Gattaran, Iguig, Lasam, Aparri, Ballesteros, Abulug, Allacapan, at Pamplona.
Ang mga nasabing bayan ay kasalukuyang nakararanas ng pag-uulan na magtatagal hanggang sa bukas, Agosto 04, 2026 at posibleng sa araw ng Miyerkules ay hihina na ang bagyo na mahiging Low Pressure Area (LPA).
Kaugnay nito, pinag-iingat ng PAGASA ang publiko lalo na ang mga nakatira malapit sa ilog at mga mababang lugar sa banta ng pagbaha at pagguho ng lupa.
Samantala, ang Typhoon Dolphin na minomonitor ng PAGASA ay maliit ang tsansang pumasok ng PAR pero posible nitong palakasin ang Habagat na magdadala naman ng pag-uulan sa malaking bahagi ng Luzon sa mga susunod na araw.
