TUGUEGARAO CITY-Natay y tadday nga brngy.chairman ta kabalin nga palapalattugan na ari paga nakilala nga gunman ta ili na Abulug ,Cagayan.
Y biktima ay si Rey Reyes,kapitan na Brngy Pinili ta nakagi nga ili.
Base kanni PSI Delmar Abuzo, hepe na PNP Abulug, manaldalan y biktima kavulu na y live-in partner nga nga mappange ta akkakanan para maggatang ta kanan da ngamme taw ngana nga pinalattugan na tadday nga nakahelmet nga gunman nga nakatakay ta motorsiklo.
Insigida nga neangay y biktima ta ospital ngamme neddeklara nga natay ngana ta dalan habang nattakas gapa y suspek ta kabalin na insidente.
Narekober ta nakakwan na krimen y annam nga basyo na kalibre 45 nga palattuk.
Base ta opisyal nabayak kanu nga igga tumuntunuk niya.
Si Reyes ay tadday nga drug surenderee na nakagi nga barangay.
Sangaw imbestigan na PNP Abulug y insidente tapenu maman nu sinni y namalattuk anna nu anni y motibo na krimen.
