Natay ti maysa a lolo kalpasan a matamaan isuna iti pimmutok nga pilid ti truck kabayatan a ma-vulcanize iti maysa ang vulcanizing shop sadiay Camalaniugan, Cagayan.
Innaganan ti biktima a ni Demi Balianca, 67 ti tawen na, barangay kagawad iti Cullit, La-lo.
Segun kenni PCAPT Jessie Alonzo, hepe ti PNP-Camalaniugan, napan nagpa-vulcanize ti biktima ti pilid ti motorsiklo na nu sadino ket kaasideg na ti pimmutok a pilid ti trailer truck a madama nga ma-vulcanize.
Mapapati a nasobraan ti angin ti nasao a pilid a gapuanan ti insidente.
Kinuna ni Alonzo a dadaan ti nasao a pilid.
-- ADVERTISEMENT --
Nadangran ti saka na ti biktima nu sadino ket rimwar pay ti tulang na gapu iti pigsa ti impact ti insidente na gapuanan ti dagus a pannakatay ti biktima.
