TUGUEGARAO CITY -Nakkiddaw si Batanes Bishop Danny Ulep ta Kristiyano ira nga magimammo ira ta iningwa nga pangdaral anna pangtuggi ta Santo na Maute terror group ta tadday nga simban ta Marawi City.
Base kanni Bishop Ulep, ari yaw nga asunto ta relihiyon nu anni ay asunto ta terorismo yatun ta awan tu gafu para maaru y Kristiyano nga malussaw anna mabbali ta wagi nga Muslim.
Kinondena ni Bishop Ulep y nallawan nga video ta pagabuso da ta terorista nga grupo ta anngguruk na Kristiyano.
Manguruk yaw nga usan laman na terorista y relihiyon tapenu pallabanin da y Kristiyano anna Muslim.
Kinagi ni Bishop Ulep, nga imbes nga iwara y video ta social media ay iwara laman ngana y kuruk,anna akseptan y panguruk anna pagaya ta attolay tam nemanno ta nawawan ngana ta kakurugan.
