TUGUEGARAO CITY – Nasservi nga inspirasyon na tadday nga agta y Bombo Radyo ta pagigyammu na ta Aparri East National High School.
Nabbilib si Zenny Salamero, 25-anyos anna nakabalin ta grade 11 ta pangiddan na atensyon na Bombo Radyo ta ikaya na agta ira tapenu maginna yaw na gobyerno.
Megafu taw ay malappo si Salamero ta pagigyammu na tapenu moffunan na ira y kagitta na nga agta nu anni ay mattuldu sangaw ta agta nu kunnasi y mattura tapenu ari nga maloko.
Si Salamero ay awardee gapa na moving up ceremony nu anni nappabalo iya ta “Maka-kalikasan Award” megafu ta angngaya da ta palevu.
