TUGUEGARAO CITY- Nepili ni Cagayan Governor Manuel Mamba nga awan tu rason nga manaw iyya ta pwesto na.
Yaw y kinagi ni Mamba ta ikaya ni Board Member Cris Barcena nga mag-resign kanu iyya pwesto megafu ta aru ta opisyal na probinsya y ari mangaya ta sistema na aggobyerno na.
Fera taw ay kinagi ni Barcena nga ari kaya ni Mamba nga pavvurulunan y lokal nga opisyal anna Sangguniang Panlalawigan.
Kigani paga ni Barcena nga si Mamba ay tadday nga nakakafi nga gobernador na Cagayan.
Buwelta gapa ni Mamba,sarili nga interes laman kanu i egga ta miembro na Sangguniang Panlalawigan anna ari da nga ikaya y kaya na angibagu ta probinsya.
Base sa,pilit na kanu nga iyaranni y gobyerno ta totolay ira ngamme kokkontran kanu iyya na kritiko na ira.
Kinagi paga ni Mamba, ari iyya nakwan nga nangaffu nu ari iyya neboto na Cagayano.
Neamung paga ni Mamba nga aru ngana y nakwa na para ta pagasenso na Cagayan.
