TUGUEGARAO CITY-Ngamin nga ikaya na nga makwa ta Pilipinas ay kinagi ni Pangulong Rodrigo Duterte ta mekadwa nga State of the Nation Address o SONA 2017.
Kinagi ni Cagayan Governor Manuel Mamba,makasta y anginawak ni Duterte ta SONA na megafu ta matturunuk yaw anna matindiyan.
Y kakurugan na yaw ay simple laman nga approach y neusa na presidente nu anni ay yaw ay mawak na totolay ira.
Neamung paga ni Mamba nga consistent iyya ta laban na gitta na laban na ta droga,korapsyon,terorismo anna insurhensiya.
Kinagi na maski sinni nu nakaliwa ay iddan na tu parusa na.
Amung na yaw ay neddannan ni Governor Mamba si Duterte ta mas atannang paga nga grado gitta na nala na nga grado ta totolay ira.
Fera taw ay dinayaw ni Mamba y angatubang ni Presidente Duterte ta napprotesta ira ta batasang pambansa ta kabalin na SONA megafu ta ari iyya mattalaw ta aktibistra ira.
