TUGUEGARAO CITY – Nepolu na dibisyon na Cagayan ta medal tally ta Cagayan Valley Regional Athletic Association (CaVRAA) meet 2018.
Igga ngana 57 gold, 37 silver anna 37 bronze medals y atleta ira nga taga probinsiya na Cagayan.
Mekadwa y Isabela nga igga 31 gold, 16 silver anna 25 bronze nga tinunuk na Tuguegarao City nga igga 29 gold, 9 silver anna 4 bronze medals.
Mekappa y Nueva Vizcaya nga igga 26 gold, Ilagan City nga 21 gold, Santiago City , 13 gold, Quirino nga igga 11 gold, Cauayan City, lima nga gold anna naporyan y Batanes nga igga tallu nga Gold medal.
Y Partial/Unofficial Result ay nelawan turi 9o’clock kagabi, Pebrero 26, 2018.
Fera taw nangipalawan tu advisory si Gov. Manuel Mamba nga mangibon ta ngamin nga public school teachers ta elementarya anna sekondarya anna ta karwan paga nga DepEd officials nga i-excuse anna awuya na nga maggiraw y estudyante championship matches ta CAVRAA sangaw nga aggaw.
Kinagi ni Rogie Sending,taga ergo na gubernador nga y Advisory No. 001-18 nga finirman ni Gov Mamba ay base ta kiniddaw na DEPED Cagayan nga i-excuse y studyente ira.
Megafu ta host province na CAVRAA 2018 ay obligasyon kanu na Cagayano nga ipasita da y suporta da taw.
Ngamme nekagi ni Sending nga igga tallung ta pampubliko nga elementarya anna secondarya nemanno ta agarrayu nga skwela nga ari makakangay ta Tuguegarao.
