TUGUEGARAO CITY-Huli sa isinagawang buy-bust operation ng Tuguegarao City Police Station ang 31-anyos na car painter sa lungsod.
Ayon kay Isabelita Gano, ng PNP Tuguegarao na nahuli ang suspek na si Vergel Soridon ng Brgy Anquiray, Amulung matapos bentahan ng umanoy droga ang isang police na nagpanggap na buyer sa may bahagi ng San Gabriel to Bagay Road.
Nakumpiska mula sa suspek ang dalawang pakete ng white crystalline substance na pinaghihinalaang shabu, cellphone at isang 500-peso bill na ginamit bilang marked money.
Kasalukuyang nakapiit sa Tuguegarao City Police Station ang suspek na nahaharap ngayon sa kasong possesion at sale of dangerous drugs alinsunod na rin sa itinatakda ng Comprehensive Dangerous Drugs Act.
