Checkpoints ta Nueva Ecija anna Cagayan, inistriktowan na Department of Agriculture megafu ta bird flu outbreak ta Pampanga

TUGUEGARAO CITY-Mas bantayan sangaw na otoridad y dalan ta Sante Fe,Nueva Ecija anna Santa Praxedes,Cagayan tapenu awan tu makatallung nga poultry anna poultry products nga igga avian flu na nga maggafu ta Pampanga

Kinagi ni Dr. Arnulfo Perez na Provincial Veterinary Office Cagayan nga insigida ira nga nagguyu kavulu da y Department of Agriculture Region 2 ta kabalin nga igga nala da ga impormasyon nga igga balak na nga makatallung ta Region 2 nga igga avian flu na.

Kinagi paga ni Perez nga magangwa da na ta monitoring ta migratory bird sanctuary ta Cagayan.

Siniguru na opisyal nga awan tu bird flu na manok taw ta Cagayan.

Kinadiyanan gapa ni Perez y publiko nga ari da taronan y manok nga basta na laman ngana nga matay.