Cocaine nga na-recover ta kayan ta Isabela,posible nga para ta tanakwan nga nation-PNP Region 2

TUGUEGARAO CITY- Manguruk si Police Chief Supt. Jose Mario Espino, Director na Police Regional Office no. 2 nga posible nga y na-recover nga cocaine nga nepay ta cylinder ta kayan ta

Divilacan, Isabela ay umay ta tanakwan nga nation.

Kinagi yaw ni Espino ta press conference ta PRO 2 kasabay na pappasita da ta media ta nakagi nga cocaine.

Kinagi na opisyal nga madammo ta 18,000 grams anna mabbalor ta P79M y nakagi nga cocaine.

Kinagi ni Espino nga posible nga nabayak ngana ta kayan y nakagi nga cocaine megafu ta nallumut yaw ngana.

Kinagi gapa ni Lowella Tomas,information officer na Philippine Drug Enforcement Agency Region 2 nga y na-recover nga cocaine ay posible nga igga y koneksion na ta nasita da nga iligal

nga droga ta Matnog,Sorsogon turi January 5,2018.

Matageno nga igga na-recover nga cocaine ta Region 5 turi 2010.