Consultant ya CPP-NDF, neggalak na ya lista ya DOJ kan terorista gafu tya natay ya karwan iran

TUGUEGARAO CITY- Makagalalak kanu ya lista ya Department of Justice kan terorista ira.

Nekahi i Randy Malayao,consultant ya Communist Party of the Philippine- National Democratic Front nga ya karwan kanyo nahan nga nakalista e natay ngin.

Makagazzit peba I Malayao kanyo nesali ya nahan na kanne lista entre ya karwan peba nga consultant ya CPP-NDF.

Nekahi na nga mari kanu iggina terorista nu zi human rights activist antre peace advocate kanu laman.

Isa peba kanu iggina nga maguffun senu meppasa ya libre nga padanum ya mannalun ira.

Gafu tyaw mangwa kanu ya abugadao na tapenu mazza ya nahan na kanne lista ya DOJ.