TUGUEGARAO CITY- Patay ang dalawang katao habang 11 ang sugatan matapos na mahulog ang isang dump truck sa bangin sa Paracelis,Mt.Province kagabi.
Kinilala ni Police Staff Sgt. Glen Edchamag ng PNP Paracelis ang mga namatay na sina Lorea Balkanao, 7 years old at Lolita Bakilan , nasa tamang edad.
Sinabi ni Edchamag na sa kanilang pagtatanong sa driver ng dump truck,napansin niyang may problema sa kanyang sasakyan subalit itinuloy niya ang pagmaneho hanggang sa hindi na niya nakontrol ang manebela at umatras ang sasakyan hanggang sa mahulog sa bangin na may lalim na 30 meters.
Nabatid na mula sa Tabuk City,Kalinga ang dump truck na kumuha ng mga semento at buhangin at nakisakay lamang ang 13 pasahero nito at papunta sana sa Brngy. Bunot,Paracelis.
