Arestado ang dalawang magsasaka matapos mahulihan ng mahigit 300 boardfeet na nilagaring kahoy sa bayan ng sta teresita Cagayan.
Kinilala ang mga suspek na sina Jayson Asuncion, 24 anyos, residente ng barangay Dungeg at si Rodney Pajota, 24 anyos, residente naman ng barangay centro east.
Sa panayam ng bombo radyo kay police captain ronulfo gabatin, hepe ng Sta Teresita, nagsasagawa ng intelligence monitoring ang mga kapulisan nang makita ang dalawang nakasakay sa kulong- kulong na walang plaka at may kargang ibat ibang klase ng linagaring kahoy.
Nang hanapan sila ng kaukulang dokumentp ay bigo naman silang makapagpakita kayat inaresto sila ng mga otoridad.
Sa ngayon ay nasa kustodiya na ng PNP Sta teresita ang mga suspek at ang mga nakumpiskang nilagaring kahoy at nahaharap sa kasong iligal na pangangahoy.
