Huli ang dalawang katao na sangkot sa iligal na droga sa magkahiwalay na buy-bust operations na isinagawa ng mga awtoridad ng Cagayan.
Unang nahuli ang isang 27-anyos na lalaki na tubong Taguig City na kasalukuyang naninirahan sa bayan ng Sanchez Mira.
Nakuha sa suspek ang dalawang piraso ng heat-sealed transparent plastic sachet na naglalaman ng pinaghihinalaang shabu, isang lighter, at P1,000 na ginamit sa buy-bust operation.
Sumunod na nahuli ang isang 36-anyos na lalaki na tinaguriang street level individual at second-time offender sa Barangay Centro 11, Balzain East Tuguegarao City.
Nakuha naman sa kanyang pag-iingat ang isang heat-sealed transparent plastic sachet na naglalaman ng pinaghihinalaang shabu, P1,000 na ginamit bilang buy-bust money, P1,000 na boodle money, at isang cellphone.
Inihahanda na ang mga kaso na isasampa laban sa mga nasabing suspek.
