Arestado y dati nga asset na Philippine Drug Enforcement Agency (PDEA) RO2 anna y atawa na yaw megafu ta allaku da anna pangusa ta illegal nga droga.
Ta bisa na warrant of arrest, naresto y magatawa nga ira da John Kevin Alonzo, 30, dati nga asset na PDEA RO2 anna provincial intelligence branch na Cagayan PNP anna si Maria Rica
Ranada, bente nwebe anyos, parehu nga residente ta barangay Centro Dos Aparri Cagayan.
Kinagi ni PCI Pepito Mendoza Jr, hepe na PNP Aparri, nabayak da kanu nga balabbantayan y magatawa namegafu turi magafutan ira tu drug paraphernalias, appa nga sachet na
shabu anna nagafu ta akto nga mallaku ta droga turi nabalin nga ragun.
Fera ta ili na Aparri, iyangay paga kanu ni Alonzo y droga ta Sta Ana, Lal-lo kunne gapa taw ta Tuguegarao.
Makasowan y magatawa ta angontra ta Section 11 anna 12 na Republic Act 9165 o angilaku ta illegal nga droga.
Yaw y olu nga accomplishment na PNP Aparri nga asunto ta kampanya da ta illegal nga droga.
