Dati nga konsehal ta Cagayan,pinalapalattugan-natay turi umma

TUGUEGARAO CITY-Imbestigan sangaw na otoridad y pamalattuk-natay ta dati nga konsehal ta ili na Allacapan,Cagayan turi umma.

Kinagi ni Police Senior Inspector Efren Tangonan, hepe na PNP Allacapan, base ta pagimbistiga da ay tadday nga lalaki y namalattuk kanni Ferdinand Reynoso ta lawan na balay da.

Kinagi ni Tangonan nga base ta nakasita ay ta kabalin na pamalattuk ay nanalan y suspek nga mappange ta talun nga aranni ta lugar.

Nala ta crime scene y appa nga basyo na kalibre. 45.

Namwan nga si Reynoso ay dati nga drug surenderer ta nakagi nga ili.

Yaw ngana y makatallu nga insidente na pamalattuk ta Cagayan ta unak laman na tangaligwan.