TUGUEGARAO CITY-Kumfiansa si dati nga Senate President Juan Ponce Enrile nga mebasura y ngamin nga kaso na nga nekaso ni Danding Cojuangco asunto ta Behest Loans.
Reaksion yaw ni JPE ta exclusive interview na Bombo Radyo Tuguegarao ta pangibasura na Sandigan Bayan 2nd Division ta kaso na.
Kinagi paga ni JPE nga balewala laman y nekaso da nissa megafu ta ammu na nga paboran iyya na hustisya.
Nakasowan si Enrile ta oans anna credit privileges nga neddan na Development Bank of the Philippines ta Northern Cement Corporation,y panga na ta Alpha Integrated Textile Mills anna pagatu anna advances nga maggafu ta Philippine Tourism Authority nga paborable ta Holiday Privileges anna Coral Island Resort.
Manguruk gapa si Enrile nga mebasura y kaso na nga plunder anna graft nge nekaso sa asunto pork barrel scam.
