Tuguegaraop City-Ekspektan y delegado na Cagayan Valley Regional Athletic Association o CAVRAA nga mala da y gold medal ta gayang nga Wushu ta 2017 Palarong Pambansa ta Antique.
Yaw ay ta kabalin nga makatallung ta finals y appa nga atleta na rehiyon dos nga mesali ta Wushu sangaw nga aggaw.
Base kanni Walter Logan, secretariat na CAVRAA nga awuya na nga mamungan y ilabbe da nga gold medal y atleta na rehiyon adde sonu mabalin y gayang.
Namwan nga ta partial official result na 2017 Palarong Pambansa igga ta meka dose nga puwesto y delegado na CAVRAA nga igga lima nga gold medals, 7 silver anna 9 bronze.
Y nakakala ta gold nga medalya ay ira da Algin Gomez para ta Athletics secondary boys nga Triple Jumps; Zayca Santiago, Taekwando Poomsae individuals Secondary girls; Rhea Bacani ta 100 metres dash athletic girls elementary; anna duwa nga gold medals kanni Jalil Sephraim Taguinod para ta swimming ta 50 metres breaststroke anna 50 metres back stroke.
