TUGUEGRAO CITY-Personal nga nappabalo si Governor Manuel Mamba si Transportation Secretary Arthur Tugade megafu ta neddan na nga atensiyon ta infrastructure projects taw ta Cagayan.
Iningwa yaw ni Mamba ta kabalin nga vukatan ni Tugade y bagu nga fish port ta ili na Claveria.
Amung na yaw nepasita ni Mamba y dadduma paga nga proyekto nga plano na nga pandayan ta termino na.
Amung na yaw y bagu nga International Airport nga pangitali ta Tuguegarao Airport,port development ta Aparri anna tanakwan paga ira.
Ekspektan ni Mamba nga alistu laman nga apruban anna angilawan na pondo ta nakagi nga proyekto megafu si Tugade ay taga Cagayan.
Kinagi gapa ni Tugade nga kuwan na ngamin y makaya na nga moffunan y Cagayan nemanno ta angipakasta ta settor na transportasyon.
Kinadiyanan na y lider na Cagayan nga mappursige da laman ta proyekto ira ta Administrasyon ni Presidente Rodrigo Duterte.
Namwan nga si Tugade ay taga Claveria,dati nga kaklase anna kofun ni Duterte liye nga nepattuttuk nga secretary na DOTr.
